ვაგრძელებთ ფოტოკოლაჟის წარმოდგენას, სადაც თავმოყრილია გინესის რეკორდთა წიგნის 2012 წლის გამოცემაში შეტანილი რეკორდსმენები, რომელთა შორისაც ბევრ უჩვეულო რაიმეს იხილავთ.
ყველაზე დიდი პიცა, რომელიც ოდესმე გაყიდვაში ყოფილა.
ლოს–ანჟელესში, პიცერია – “Big Mama’s and Papa’s Pizzeria”–ს მენიუში გახლავთ კვადრატული ფორმის პიცა, რომლის 1 გვერდი 123 სმ–ს შეადგენს, ხოლო საფასური, კი 199. 99 დოლარია. მისი შეკვეთა შინ მიტანითაა შესაძლებელი, თუ პიცერიას 24 სთ–ით ადრე შეტყობინებთ.
ტელესერიალის ყველაზე მაღალანაზღაურებადი მსახიობი.
ტელესერიალ – „ექიმი ჰაუსი“–ს მთავარი როლის შემსრულებელ ჰიუ ლორის, 1 სერიაში 400 000 დოლარს უხდიან. ეს ყველაზე პოპულარული ტელესერიალია, რომელსაც 66 ქვეყნის 81.8 მილიონი მაყურებელი უცქერს.
ონლაინ–ტრანსლაციის ცქერის ყველაზე დიდი რაოდენობა.
რეკორდი განეკუთვნება პრინცი უილიამისა და ქეით მიდლტონის საქორწინო ტრანსლაციას, რომელსაც 72 მილიონი ადამიანი ადევნებდა თვალყურს.
ყვავილების ქოთნების ყველაზე დიდი რაოდენობა, რომლის დამზადებაც 1 სთ–შია შესაძლებელი.
რეკორდსმენი მაიკლ ბაითსია, ვინაც 2009 წლის 28 ივლისს, 1 სთ–ის განმავლობაში ყვავილის 150 ქოთნის გაკეთება შეძლო. მეორე ადგილი მერი ჩეიპელჰაუს ხვდა წილად – 118 ქოთნით.
ბოდიბილდინგის ყველაზე მძიმე წარმომადგენელი.
რეკორდსმენი დენიელ სეკერეცი გახლავთ, რომლის წონაც 134. 99 კგ–ს შეადგენს.
ყველაზე დიდყურა ძაღლი.
რეკორდსმენი ძაღლი “ჰარბორი”–ა, რომელსაც ძაღლთა შორის ყველაზე გრძელი ყურები აღმოაჩნდა. მისი მარჯვენა ყურის სიგრძე 34 სმ–ი, ხოლო მარცხენასი, კი 31.7 სმ–ია.
ყველაზე დიდი ვიოლინო.
ვიოლინოს გერმანელმა ოსტატებმა შექმნეს 4,2 მ–ის სიგრძისა და 1,23 მ–ის სიგანის მქონე ვიოლინო, რომლის ხემიც 5.1 მეტრია. მასზე დასაკრავად 3 ადამიანია საჭირო, რომელთაგან ორს ხემი უიჭირავს და მოძრაობაში მოჰყავს, ხოლო 1 კი სიმებზე შესაბამის მანიპულირებას ანხორციელებს.
ყველაზე გრძელი ფრჩხილების მქონე ქალი.
რეკორდსმენი კრის “გრაფინე” უოლტონია, ვის მარჯვენა ხელზე არსებულ ფრჩხილის ჯამურმა რაოდენობამ 3.09 მ–ი შეადგინა, ხოლო მარცხენამ, კი 2.88 მ–ი. ლას ვეგასი 21.02.2011 წ.
პიგვინების ყველაზე დიდი კოლექცია.
გერმანელი ბრიჯიტ ბერენდსი, ვისაც 2011 წლის 14 მარტის მონაცემით 11 062 პინგვინი აქვს. მისი პირველი პინგვინი, მან ჯერ კიდევ დაწყებით კლასებში შეიძინა.
ყველაზე სწრაფი ეკლესია – ჯვრისწერისათვის.
ეკლესია–ბორბლებზე, რომლის სახელწოდებაცაა – The Best Man“–ი, 99 კმ/სთ–ით გადაადგილდება და აღჭურვილია: 1000 ვტ–იანი სტერეოსისტემით, ვიტრაჟებიანი ფანჯრებით, ორღანით და ჯვრისწერის ცერემონიისთვის საჭირო ყველა სხვა ატრიბუტით.
მამაკაცი, რომელსაც ყველაზე მეტი პირსინგი აქვს.
როლფ ბუჰოლცს 453 ადგილას აქვს სხეულზე სამკაულისთვის განკუთვნილი ნასვრეტები. დორტმუნდის მკვიდრი მამაკაცი ტუჩის მიდამოებში 94–ს, წარბებზე 25–ს, ცხვირზე 8–ს და გენიტალიის მიდამოებში 278 მოსართავ სამკაულს ატარებს.
ყველაზე ახალგაზრდა ადამიანი, რომელმაც მსოფლიოს მარტო შემოუფრინა.
ფლორიდის მემორიალური უნივერსიტეტის 23 წლის სტუდენტი ბარინგტონ ირვინი არ შეუშინდა წვიმასა და ქარიშხალს და რეკორდული გაფრენა მარტო განახორციელა. იგი პირველი აფრო–ამერიკელია, ვინაც ამგვარი რეკორდი დაამყარა. უფრო მეტიც, როცა მან შეიტყო, რომ ამგვარი რეკორდისთვის მას თვითმფრინავს არავინ ათხოვებდა, მან ავიამშენის ქარხნის შემოწირული დეტალებისგან თავად ააგო საკუთარი – “Columbia 400″ და გინესის რეკორდსმენთა წიგნშიც დაიმკვიდრა ადგილი.
ყველაზე დიდი შოკოლადი.
ჩიკაგოს საკონდიტრო კომპანიის თანამშრომლებმა 2011 წლის 13 სექტემბერს ყველაზე დიდი შოკოლადის ბატონი დაამზადეს, რომლის სიგრძეც 7 მეტრი, სიმაღლე თითქმის 1 მეტრი, ხოლო წონა 5574 კგ–ია. წინა რეკორდს მათ ამჯერად თითქმის 1 ტონით გადააჭარბეს.
სახლის ბინადარ კატათაგან ყველაზე გრძელი კატა, რომელსაც ასევე ყველაზე გრძელი კუდიც აქვს.
ეს 5 წლის კატა სტუი გახლავთ, რომლის სიგრძეც 1.23 მ–ია, ხოლო მისი კუდი, კი 41.5 სმ–ია, რომელიც მსოფლიოში არსებულ კატებს შორის ყველაზე გრძელ კუდად ითვლება.
ყველაზე დიდი ზომის ვერცხნილობა – აფრო.
ახალი ორლეანის მკვიდრი ევინ დუგასი, გინესის რეკორდების წიგნში საკუთარი ვარცხნილობით მოხვდა. მისი აფრო–ვარცხნილობის სიმაღლე 18.3 სმ–ი, სიგანე 19.5 სმ–ი, ხოლო გარშემოწერილობა, კი 1.31 მ–ია.
ყველაზე გრძელი ენა.
კალიფორნიელი შანელ ტეპერის ენის სიგრძე 9.6 სმ–ია წვერიდან ზედა ტუჩამდე. აბსოლოტურ რეკორდსმენად, კი ბრიტანელი სტივენ ტეილორია, ვისაც 9.8 სმ–ის სიგრძის ენა აქვს.
ყველაზე გრძელი ულვაში.
ინდოელი რამ სინგ ჩაუხანუს ულვაშის ზომამ 4.2 მ–ს მიაღწია, რის გამოც იგი გინესის რეკორდსმენთა შორის აღმოჩნდა.
ყველაზე დიდი ნიანგი.
ეს იმ ნიანგთა კატეგორიას განეკუთვნება, რომელიც არ გახლავთ ველური ბუნების ბინადარი. ავსტრალიური ზღვის ნიანგი, რომელიც კასიუს კლეის სახელითაა ცნობილი, სიგრძით 5.47მ–ი, ხოლო წონით 907 კგ–ია.